کوئٹہ: محکمہِ کھیل اور امورِ نوجوانان حکومتِ بلوچستان اور  چانن ڈولپمنٹ ایسوسی ایشن (سی ڈی اے) کی جانب سے بلوچستان کی تاریخ میں پہلی مرتبہ نیشنل یوتھ سمٹ کا انعقاد کیا گیاجس میں ملک بھر سے تین سے سو زائد نوجوانوں نے شرکت کی۔ چانن ڈیولپمنٹ ایسوسی ایشن (سی ڈی اے)، جو نوجوانوں کی قیادت میں 2006 میں قائم کی گئی ایک قومی تنظیم ہے، جو نوجواں کی فیصلہ سازی کے مراحل میں شراکت کو یقینی بنانے کے لئے کام کر رہی ہے۔ 

نیشنل یوتھ سمٹ کا عنوان نوجوانوں کی استعداد کو پائیدارمستقبل کے لئے بروئے کار لانا،  ملک کو در پیش مسائل کے ممکنہ حل تلاش کرنا اور تبدیلی کے لئے راہ ہموار کرنا ہے۔ اس سہہ روزہ تقریب کا مقصد نوجوان نسل کی صلاحیتوں کو اجاگر کرنا ہے تاکہ وہ خوشحال ، پر امن اور مستحکم پاکستان کے لئے بھر پور کردار ادا کر سکیں۔

 نیشنل یوتھ سمٹ کی افتتاحی تقریب میں وزیرِ اعلیٰ بلوچستان کے ترجمان بابر یوسفزئی، کوآرڈینیٹر برائے نوجوانان نواب زادہ جمال خان رئیسانی، سیکریٹری محکمہِ کھیل ،امورِ نوجوانان إسحاق جمالی، ایگزیکٹو ڈائریکٹر سی ڈی اے، محمد شہزاد خان اور کنوینئر پارلیمانی ٹاسک فورس برائے ایس ڈی جی رومینہ خورشید عالم نے اپنے خیالات کا اظہار کیا اور نوجوانوں کی قائدانہ صلاحیتوں کا اعتراف کرتے ہوئے انہیں ملک کی تعمیر و ترقی میں کردار ادا کرنے کی تاکیدکی۔ 

افتتاحی تقریب سے خطاب کرتے ہوئے وزیراعلیٰ کے کوآرڈینیٹر برائے امورِ نوجوانان نوابزادہ جمال رئیسانی نے کہا کہ، اس سہہ روزہ پروقار تقریب کے انعقاد پر میں اپنے محکمہِ کھیل اور امورِ نوجوانان کے عملہ اور چانن ڈولپمنٹ ایسو سی ایشن کا تہہ دل سے شکرگزار ہوں کہ انہوں نے ملک بھر سے آپ جیسے محترک نوجوانوں کو کوئٹہ جیسے خوبصورت شہر میں جمع کیا۔ میں اس پر وقار تقریب کے موقع کی مناسبت سے  ایک اہم سنگ میل یعنی بلوچستان یوتھ پالیسی کا مسودہ  کو جلد از جلد مکمل کے کے صوبائی اسمبلی سے منظور کرانے کا اعادہ کرتا ہوں تا کہ بلوچستان کے نوجوانوں کی آواز فیصلہ سازی کا حصہ بنے۔ یہ جامع یوتھ پالیسی فریم ورک، جو یوتھ ڈیپارٹمنٹ کی محنت اور  کاوشوں سے تیار کی گئی ہے، ہماری نوجوان آبادی کو بااختیار بنانے کے لیے ہمارے اجتماعی وژن کی عکاسی کرتی ہے۔ یہ ہمارے نوجوانوں کی امنگوں، خوابوں اور اختراعی خیالات کی عکاس پالیسی ہوگی ہے، جس کا مقصد ایک ایسا نظام بنانا ہے جو ان کی صلاحیتوں کو پروان چڑھائے اور انہیں بلوچستان سمیت ملک کے خوشحال مستقبل کی طرف لے جانے کے لیے ضروری مہارتوں سے آراستہ کرے۔

 سیکریٹری برائے محکمہِ کھیل اور امورِ نوجوانان محمد إسحاق جمالی نے تقریب سے خطاب میں کہا کہ، دنیا بھر کی  تاریخ میں نوجوان تبدیلی اور ترقی میں سب سے آگے رہے ہیں۔ ان کے پاس ایک غیر متزلزل عزم، تازہ نقطہ نظر، اور لامحدود توانائی ہے جو معاشروں میں انقلاب برپا کر سکتی ہے۔ آج، ہم ان کی آواز کو بڑھانے، ان کی امنگوں کا جشن منانے اور ان کے خوابوں کو پہچاننے کے لیے یہاں موجود ہیں۔ یہ نیشنل یوتھ سمٹ ہمارے عظیم ملک کے ہر کونے سے نوجوان ذہنوں کے لیے ایک پلیٹ فارم ہے کہ وہ آپس میں اتحاد، تعاون اور تبدیلی کی ایک ایسی شمع روشن کر سکیں جو ہمارے ترقی یافتہ، خوشحال پاکستان کے مستقبل کو تشکیل دے گی۔

 نیشنل یوتھ سمٹ  کے پہلے روز سابقہ ایم پی اے اور نیشنل پارٹی کی مرکزی رہنمامیڈم یاسمین لہڑی، سماجی کارکن، جہانگیر بازئی، نوجوان سماجی کارکن جیا جگی، نمرہ پرکانی و دیگر سیاسی و سماجی رہنماوں نے بھی اپنے خیالات کا اظہار کیا جبکہ نوجوانوں کے لئے مختلف مہارتوں پر تربیتی ورکشاپ بھی منعقد کی گئی۔

منگل کی شام انصاف کا پرچم تھام کر جیل سے رہا ہونے والے پی ٹی آئی کے وائس چیئرمین شاہ محمود قریشی اور عمران خان کے ما بین ہونے والی ملاقات تلخی کے بعد ختم ہوگئی جس کے بعد شاہ محمود قریشی اپنی بیمار اہلیہ کی تیماردار ی کے لیے کراچی روانہ ہوگئے۔

 مخدوم شاہ محمود قریشی کے ملتان میں ایک انتہائی قریبی دوست کے مطابق مخدوم شاہ محمود قریشی نے پارٹی چیئرمین کو کہا کہ آپ وقتی طور پر پیچھے ہٹ جائیں، بیرون ملک چلے جائیں یا اگر بیرون ملک نہیں جانا تو یہاں ہی رہیں مگر لب کشائی بند کردیں، ہمیں معاملات طے کر لینے دیں، معافی تلافی ہو لینے دیں، جب سب کچھ ٹھیک ہو جائے گا تو آپ واپس تحریک انصاف کو سنبھال لیجئے گا، مشکل وقت ہے اور جذبات کے بجائے دانشمندانہ فیصلوں کی ضرورت ہے۔

 ذرائع کے مطابق اس ملاقات کے دوران دونوں رہنماؤں میں تلخی بھی ہوئی اورسخت جملوں کا تبادلہ بھی ہوا ۔

واضح رہے کہ شاہ محمود قریشی ملتان کے جس حلقے سے رکن قومی اسمبلی منتخب ہوئے تھے اس حلقے سے تعلق رکھنے والے ان کے فنانسر اور سپورٹر ابھی تک رہا نہیں ہوپائے۔ 

اس ذریعے کے مطابق شاہ محمود قریشی نے عمران خان کو یہ بھی کہا کہ جو ریٹائرڈ لوگ آپ کو گمراہ کررہے ہیں ان حالات میں وہ آپ کی کوئی مدد نہیں کرسکتے جس پر عمران خان نے شاہ محمود قریشی سے برہمی کا اظہار کیا ۔ 

ملاقات کے بعد شاہ محمود قریشی میڈیا سے گفتگو کیے بغیر زمان پارک سے کراچی کے لیے روانہ ہوگئے۔ ان تمام باتوں کی تصدیق کے لیے جب مخدوم شاہ محمود قریشی سے رابطہ کی کوشش کی گئی تو ان کے تمام نمبر بند پائے گئے۔

دریں اثناء شاہ محمود قریشی سےملاقات میں تلخ جملوں کے تبادلے کے بعد عمران خان نے ویڈیو لنک کے ذریعے خطاب کیا اور بیشتر پرانی باتیں دہرائیں اور کہا کہ ان ظالموں نے میرے خلاف کئی کیس کردیئے ہیں ہمارے 10ہزار لوگ اندر کردیئے ہیں۔ انہوں نے اس بات کا بھی اعادہ کیا کہ آخری دم تک لڑوں گا اور پیچھے نہیں ہٹوں گا، آج جمعرات کو اسلام آباد جارہا ہوں ، میں اس کیلئے تیار ہوں کہ یہ مجھے پھر سے پکڑ لیں گے۔

  یہ خبر 8 جون 2023 کے روزنامہ جنگ میں شائع ہوئی

اس حوالے سے قیصر رونجھا کا کہنا ہے کہ اردو اے آئی، مصنوئی ذہانت کی قابل رسائی تعلیم کی تلاش میں ایک اہم سنگ میل ثابت ہو سکتا  ہے۔ بہت سے لوگوں کو خاص طور پر پسماندہ کمیونٹیز کو درپیش انگریزی زبان کی رکاوٹوں کو مدِنظر رکھتے ہوئے ہم نے مصنوئی ذہانت کے متعلق اردو میں جامع تعلیم فراہم کرکے اسے جمہوری بنانے کا آغاز کیا۔ ہم ایک ایسے مستقبل کا تصور کرتے ہیں جہاں زبان اورآپ کا سماجی پس منظر ٹینکالوجی بلخصوص اے آئی کو سیکھنے اور استعمال کرنے میں رکاوٹ نہ بنے۔ جبکہ پلیٹ فارم کے شریک بانی نوجوان خالد میرکا کہنا ہے کہ، "ہم سمجھتے ہیں کہ علم کی کوئی لسانی حدود نہیں ہونی چاہئیں۔ ہمارا پلیٹ فارم افراد اور کمیونٹیز کو ٹیکنالوجی اور مصنوئی ذہانت کی تبدیلی کی صلاحیت سے فائدہ اٹھانے کے لیے بااختیار بنائے گا۔"

ان کا کہنا تھا کہ مصنوعی ذہانت (اے آئی) ٹینکالوجی کی دنیا میں ایک لا محمدود اور دلچسپ اضافہ ہے جسے آپ نظر انداز کرنے کے متحمل نہیں ہو سکتے! یہ بڑھتا ہوا دائرہ ہماری دنیا کوتیزی سے بدل رہا ہے، اور ہم اس کے گہرے اثرات کو روک نہیں کر سکتے۔  آنے والے وقت میں یہ ہماری دنیا اور زندگی کو مکمل طور پر تبدیل کر دے گی، یہ تبدیلی صرف کمپیوٹر اور انٹرنیٹ تک محدود نہیں بلکہ جن عمارتوں یا گھروں میں ہم رہتے ہیں، جو نوکری یا کاروبار ہم کرتے ہیں، ہماری صحت، تعلیم، اور بہت کچھ جو ہم سے وابسطہ ہے یہ مصنوئی ذہانت اس پر اثرانداز ہونے والی ہے۔  سو اس لئے اسے نظرانداز کرنے کے بجائے اسے سیکھیں اسے جانیں اور اور اس سے دوستی کریں۔

اردو اے آئی کے بانی اراکین نے نوجوانوں کو پاکستانی عوام بالخصوص نوجوانوں کو مخاطب کرتے کہا ہے کہ، ہم آپ کی آسانی کے لئے مصنوئی ذہانت کو ہر کسی کے لیے قابل رسائی بنا کی کوشش کر رہے ہیں! اور اس میں پہلا قدم ہمارا ایک پروجیکٹ "اردو اے آئی" ہے۔ اس پروجیکٹ کے ذریعے ہم اے آئی کو پاکستان اور برصغیر کے لوگوں کی آسانی کے لئے اردو اور اور دیگر قومی (مقامی زبانوں) میں اسے سمجھنے اور سمجھانے کی کوشش کر رہے ہیں۔ اگر آپ روانی سے انگریزی نہیں بولتے ہیں، تب بھی آپ اردو اے آئی کے ذریعے مصنوئی ذہانت (AI) کی دنیا کو سمجھ سکتے ہیں، اس سے دوستی کر سکتے ہیں۔

  ملک بھر میں پ پاکستان تحریکِ انصاف کے پُر تشدد مظاہروں کے باعث بند کی جانے والی سوشل میڈیا ایپس اور انٹرنیٹ کو بحال کر دیا گیا۔

 نو مئی کو، پاکستان تحریک انصاف کے چیئر مین اور سابق وزیراعظم عمران خان کی اسلام آباد ہائیکورٹ میں گرفتاری کے بعد ملک بھر میں پر تشدد مظاہرے شروع ہو گئے تھے، جس کے باعث امن و امان کی صورتحال پر قابو پانے کے لیے وزارت داخلہ کے حکم پر پہلے انٹرنیٹ کو بند کر دیا گیا تھا اورسوشل میڈیا کی معروف ایپس بھی بند کر دی گئی تھیں۔

واضح رہے کہ نو مئی سے پندرہ مئی کے  دوران ملک کے بیشتر حصوں میں انٹرنیٹ مکمل یا جزوی طور پر بلاک کر دیا گیا تھا جس کی وجہ سے موبائل کمپنیوں سمیت آن لائن کام کرنے والے ہزاروں لوگوں کو مالی نقصان کا سامنا کرنا پڑا۔ مالی مشکلات کا سامنا کرنے والوں میں کریم، ان ڈرائیور اور دوڈ پانڈا جیسی کمیپنوں میں کام کر کے روزانہ کمانے والے ہزاروں لوگ بھی شامل ہیں۔ 

 پی ٹی اے کے ترجمان نے بتایا کہ سماجی رابطے کی ویب سائٹ ٹویٹر، فیس بک، یوٹیوب اور دیگر ایپس کو بحال کر دیا گیا  ہے۔

 اسلام آباد: قومی میڈیا کے مطابق چیئرمین تحریک انصاف اور پاکستان کے سابق وزیراعظم کو پاکستان ریجگز نے اسلام  آباد ہائی کورٹ کے احاطے سے گرفتار کر لیا ہے۔  جبکہ اسلام آبادپولیس کی ٹویٹ کے مطابق ان کو قادر ٹرسٹ کیس میں گرفتار کیا گیا ہے اور حالات معمول کے مطابق ہیں۔ جبکہ آض صبح ہی اسلام آباد پولیس نے شہر میں دفعہ ۱۴۴ نافد کی تھی  شہر میں کسی طرح کے اجتماع، اور ریلی کی اجازت نہیں ہے۔ 

عمران خان کو قادر ٹرسٹ کیس میں گرفتار کیاگیا ہے۔ آئی جی اسلام آباد ۔

حالات معمول کے مطابق ہیں ۔ آئی جی اسلام آباد

دفعہ 144 نافذ العمل ہے خلاف ورزی کی صورت میں کارروائی عمل میں لائی جائے گی ۔

— Islamabad Police (@ICT_Police) May 9, 2023

اسلام آباد (ویب ڈیسک) بلوچستان کے شہر اوستا محمد کے رہائشی نوجوان سلمان خان سموں ولد محمد عالم سموں الیکشن کمیشن آف پاکستان اسلام آباد میں بطور ڈیٹا انٹری آپریٹر ملازمت کرتے ہیں گزشتہ شپ پانچ مئی کواسلام آباد سے لاپتہ ہو گئے ہیں۔ 

گھریلو ذرائع کے مطابق گھر کی کفالت کے لئے نوکری کے بعد وہ کریم اور اِن ڈرائیو میں گاڑی بھی چلاتے ہیں اور گزشتہ شب گھر سے آخری بار رابطہ کے مطابق۔رات تقریباً بارہ بجے گھر میں اطلاع دی تھی کہ اسلام آباد شفا انٹرنیشنل ہسپتال کے قریب سے گھر کے لئے آ رہا ہوں،اسلام آباد میں ان کا گھر بارہ کہو کے علاقے میں واقع ہے۔ 

جب اس فون کال کے ایک گھنٹہ بعد وہ گھر نہیں پہنچے تو گھر والوں نے پھر سے فون پر رابطہ کرنے کی کوشش کی تو اس کا موبائل نمبر بند تھا جس پر گھر والوں کو تشویش ہوئی۔اور فوری طور پر ان کی گمشدگی کے متعلق ابتدائی رپورٹ اسلام آباد کے سیکٹر آئی 9 پولیس اسٹیشن میں درج  کرادی گئی ہے لیکن تاحال کوئی کارروائی عمل میں نہیں لائی گئی۔

سلمان خان سموں اس سے قبل پمز ہسپتال میں ملازمت کرتے تھے اور قریباً ایک ماہ قبل ہی وہ الیکشن کمیشن آف پاکستان میں تعینات ہوئے تھے۔ 

پاکستان(ویب ڈیسک)سارک ممالک کے مرکزی بینکوں کا دو روزہ اجلاس بدھ سے اسلام آباد م شروع ہوگا، گورنر اسٹیٹ بینک اجلاس کی صدارت کریں گے۔

ذرائع کا کہنا ہے کہ اجلاس میں شرکت کے لئے سری لنکا، نیپال، افغانستان، مالدیپ، بنگلادیش کے مرکزی بینکوں کے گورنرز آج پہنچیں گے جبکہ بھارتی مرکزی بینک کے صدر نے شرکت کی تصدیق نہیں کی۔

ذرائع کے مطابق عوام تک قرضہ جات کی فراہمی بھی ایجنڈے میں شامل ہے۔اس کے علاوہ ذرائع کا مزید بتانا ہے کہ 2مئی کو قرضہ جات کی فراہمی کو ڈیموکریٹائز کرنے سے متعلق سارک سیمینار اور 3مئی کو کلائمیٹ کے منفی اثرات کم کرنے پر بینکوں کے کردار کا سمپوزیم ہوگا۔